Струга се жали на судењето против Вардар (ВИДЕО)

16 септември 2019 - 11:17

Фудбалскиот клуб Струга ќе испрати жалба до Фудбалската федерација на Македонија поради лошото судење на натпревар со Вардар изминатата сабота. 

Најтрофејниот македонски тим славеше со 3-0 против стружани на арената „Тодор Проески“, но за гостите спорни се два гола на „црвено-црните“. Според нив, тие се тешко оштетени во две ситуации. Првата е поради офсајд позиција, по која Бразилецот Жунињо го постигнува водечкиот гол во 59-тата минута.

Додека при вториот гол на Вардар и Жунињо, стружани се жалат дека имало прекршок над Бурхам Мустафов, но главниот судија Марјан Гоцевски не ја прекинал играта.