Шкупи бара трет тренер сезонава: Акин по само два меча си замина од Чаир!
Акин дојде за време на паузата поради евроквалификациите, а чаирчани официјално го промовираа на 5 септември. Точно 14 дена подоцна, после победа над Силекс со 1-0 и поразот вчера од Вардар пред домашната публика со 1-2, дојде и разделбата.
Како што објави Шкупи, Акин после состанокот со клупската управа веднаш по поразот од лутиот ривал Вардар донеле одлука да ја прекинат соработката, а чаирчани му се заблагодарија за придонесот во овие 14 дена. Инаку Турчинот родум од Белгија беше извиркан за време на дербито, кога се реши да го замени капитенот Муарем Бајрами.