Шкендија ги задржа клучните двајца фудбалери
Ибраими кажа дека е среќен што потпишал нова соработка со клубот од Тетово и се надева дека ќе постигне многу голови во следните натпревари.
„Моето срце избра да потпишам нов договор. Мојата љубов е голема кон Шкендија и Балистите, па среќен сум што ќе продолжам да го носам овој дрес и се надевам на уште многу голови, како и трофеи“, кажа Ибраими.
Алими е пресреќен за новата соработка, па порача дека му е задоволство да ги носи боите на тетовскиот клуб.
„Шест фантастични години ме поврзуваат многу со Шкендија и Тетово, па не беше тешко за мене да ја продолжам соработката и во следниот период. Кога се завршени сите формалности, време е да се насочиме кон нови успеси“, порача Алими.