Османи: Не смееме да ја пропуштиме оваа разлика од осум бода!
Шкендија во 85-та минута преку Бесарт Ибраими успеа да стигне до бод, откако Вардар на 12 минути пред крајот поведе преку Бобан Грнчаров, па тетовци со бодот останаа први фаворити за шампионската круна, за разлика од вардарци кои ќе мора да чекаат помош од другите прволигашки ривали за да се стопи предноста на ривалот.
„Останува разликата од осум бодови на табелата и оваа разлика е солидна, која ние треба да ја задржиме и оваа разлика не треба ја пропуштиме до крајот на сезоната. Оптимисти сме дека до крајот ќе останеме на првото место“, рече Ќатип Османи, треерот на Шкендија по мечот