На Силекс не му е до играње фудбал!

ФФМ официјално не ја соопшти конечната одлука за доигрување на сезоната, откако во петокот ги објави трите сценарија за актуелната сезона, но веќе се појавија информации дека многу клубови го прифатиле најглупавиот можен предлог, а тој за кратовци, кои моментно се второпласирани не е прифатлив.

Силекс денеска со сооштение посочи дека не им е до играње фудбал, потенцирајчи дека не е јасна идејата за плејоф и плејаут, коха нема испаѓање, а прашуваат кој ќе ја понесе одговорноста ако се појави коронавирусот и кој ќе го преземе ризикот од повреди после краткиот период за подготовки.

Целото соопштение ви го пренесуваме во целост.

„По повод новонастанатата ситуација во нашата земја во врска со вирусот CoVid-19, ФК Силекс нестрпливо ја чека одлуката на македонските извршни и фудбалски власти со иднината на сезоната во нашиот шампионат.

Со оглед на ситуацијата,сакаме да потенцираме дека здравјето на фудбалерите и фудбалските работници мора да остане на прво место,а потоа да се размислува на спортскиот и натпреварувачки дел.

ФК Силекс остро реагира на најавите на Фудбалската Федерација на Македонија за можното сценарио за продолжување на шампионатот во систем плеј-оф и плеј-аут фаза (без испаѓање).

Господа од ФФМ,сакаме јавно да Ве прашаме:

Која е целта и за чии интереси се воведува системот плеј-оф и плеј-аут фаза.

Ако 90% од пласманот на табелата е реализиран,особено што нема да има испаѓање од лигата тогаш се прашуваме зошто би се ризикувало здравјето на фудбалерите и фудбалските работници за доигрување на првенстовото.

Кој би имал интерес и кој ќе ја понесе одговорноста доколку коронавирусот се појави меѓу фудбалерите и сите учесници во организација на натпреварите.

Исто така,сакаме јавно да Ве прашаме:

Што ќе се случи ако повторно се прекине првенството.

Кој ќе ги плати трошоците на екипите,кој ќе го превземе ризикот од евентуални повреди на фудбалерите поради краткиот период за подготовки.

Бидејќи топката е префрлена на клубовите, тогаш ФК СИЛЕКС ќе ги почитува законите на својата држава во целост а тоа се:

На 15.06.2020 се отвараат границите на нашата земја вклучувајќи 14 дневна самоизолација за странци кои не се транзит и остануваат во нашата држава за вршење дејност минимум 14-21 ден колективен заеднички тренинг за усогласување на тактика.

За крај да напоменеме дека, ФК СИЛЕКС е во состојба после 25.07.2020 да го продолжи првенството во целост според системот, 36 кола со испаѓање и влез во ПМФЛ како што е во законот за сезоната 2019/2020.

ФК СИЛЕКС повикува на разумна одлука и фудбалски компромис како не би се нанела штета на никого“, се вели во соопштението на ФФМ.