Комити ќе навиваат пред „Градски“: Не го оставаме Вардар кога му е најтешко!

Вардар се наоѓа во најтешката криза по цела една деценија кога ги преживуваше најцрните моменти од своето постоење, па најтрофејниот клуб поради беспарицата остана без скоро целиот лански состав и сега скрпи тим за колку толку да ја одигра есенската полусезона.

Поради пандемијата со коронавирус, навивачи на трибини не смее да има, па Комити најавија дека сепак ќе се соберат да навиваат пред стадионот, почитувајќи ги притоа мерките за заштита.

„После скоро шест месечна пауза од навивачки настани започнува новата фудбалска сезона. Која за нас ќе биде една голема борба на два форнта. Лошата ситуација во ФК Вардар и Играњето на натпреварите без публика. Ние не би биле ние ако го оставиме Вардар кога му е најтешко. Нека грми песна комиткса пред градскиот стадион. 16:30 пред влезот на западната трибина! Нагласуваме со почитување на маерките за заштита“, објавија Комити. Вардар со најголем дел младинци во составот, шестмина „староседелци и пет засилувања (Дејан Блажевски, Филип Петковски, Бојан Најденов, Виктор Велковски и Стефан Лазаревиќ) ќе тргнат во новата сезона.