Хет-трик на Христов: Македонија ЃП го уништи Вардар Неготино

По една одлична акција во 13. минута, Симеон Христов се најде на вистинско место во казнениот простор на Вардар Неготино и погоди за предност од 1-0.

Македонија ЃП продолжи со притисокот до крајот на првиот дел, а Христов во 38. минута повторно ја затресе гостинската мрежа.

Во воведните минути на вториот дел Христов го комплетира хет-трикот и го зголеми водството на скопскиот тим, додека до крајот на средбата Македонија ЃП постигна уште два гола.

Брегалница славеше на гостувањето кај Беласица со 1-0, а голот за победа го постигна Зоран Ивановски.

Македонија ЃП е лидер на табелата со 32 бодови, по што следи Брегалница со 30 поени, а Башкими е трет со еден бод помалку.

Резултати - 15. коло – Втора лига:

Арсими – Борец 1-0
Беласица – Брегалница 0-1
Башкими – Кожув 1-0
Каменица Саса – Вардарски 5-0
Македонија Ѓорче Петров – Вардар Неготино 5-0
Новаци – Осогово 5-0
Охрид – Детонит Плачковица 1-3
Победа – Скопје 0-1