Хаџиевски преговара со Беласица, главен конкурент му е Косовец!?
Живковиќ ја презема Беласица од Раде Цицмиловиќ, кој немаше ПРО-лиценца, но наместо барем во помирни води, струмичани заглавија на дното со само 17 бода од 18 кола, колку што има и прилепска Победа. Но, Беласица успеа да остане во игра за трофеј, како полуфиналист во Купот и напролет ќе ја чека двомеч пресметка со Македонија ЃП.
Откако го сменија Живковиќ низа имиња се појавија во игра за истпразнетото тренерско место, но засега главни фаворити се Хаџиевски и Шенсои. И двајцата последно каде што работеа во Македонија беше – Пелистер. Хаџиевски работеше во битолскиот клуб во 2015 година, пред да замине во Емиратите на печалба во последните две години, а Шенсои го водеше Пелистер во минатата сезона, кога со клубот ја освои куп-титулата.
И двајцата се во преговори со Беласица, а наскоро се очекува струмичани да го изберат новиот кормилар, кој по нова година ќе ги започне подготовките, па и ќе го засили тимот со цел да се обезбеди битка за куп-трофејот со финале, но и да се остане прволигаш. Хаџиевски има богато минато, беше макеоднски селектор, го водеше Вардар, беше тренер на Војводина, ЦСКА Софија, селектор на Азербејџан, тренер во Џубило Ивата, во бугарски Вихрен... Шенсои, пак, е роден во Призрен на Косово, тој е Турчин од оваа земја и во кариерата има работено и во Истанбулспор и Генчербирливи (како помошник), Алибејкој, Туран Товуз, а најмногу работел во Бугарија од Славија Софија како помошник преку Беласица Петрич, Пирин, Вихрен, Локо Пловдив...