„Гипсарот“ Кадриу на чекор до потпис за Шкендија?
Кадриу пред четири дена си замина од Ренова откако не ја продолжи соработката со овој клуб, каде играше во изминативе две години и сега како слободен играч ќе се пресели во тетовските црвено-црни кои биле сериозно заинтересирани за него.
Кичевецот во Ренова играше од јануари 2018 година, а претходно беше дел од Работнички и Шкупи, а е дете на Влазерими и има интернационално искуство во соседна Албанија, каде играше за Тирана и Теута.
Шкендија после прекинатата сезона во која заврши како трета и покрај тоа што беа први фаворити за титулата, прави сериозна реконструкција на тимот, а неколку фудбалери меѓу кои и првата ѕвезда Агим Ибраими си заминаа (уште и репрезентативецот Марјан Радески) меѓу петмината играчи, а засега тетовци ги продолжуваат договорите со најголем дел од фудбалерите во својот ростер.
Во најава е можно заминување на Омер Имери, најталентираниот фудбалер на клубот за кого турски Фенербахче сериозно загриза, па допрва црвено-црните ќе треба да најдат засилувања за новата европска авантура, но за разлика од досега, буџетот им е многу мал во споредба со минатите годии.