Академија Пандев за Европа се засили со доскорешен член на Победа

12 јуни 2019 - 13:04

Македонскиот дебитант во Европа, Академија Пандев го промовираше своето прво засилување за летната авантура во квалификациите за Лига Европа, како и за новата прволигашка сезона и тоа Ѓорѓи Танушев.

Танушев во Академија Пандев доаѓа од прилепска Победа, која сезонава испадна од Првата лига, а станува збор за фудбалер, кој е струмичанец и кој беше еден од најзабележителните во очајната сезона на прилеплани. Покрај Танушев во Академија Пандев се враќаат и двајца фудбалери, кои сезонава беа на заем – Кристијан Велиновски (Брегалница) и Емир Скендери (Кожув).

Академија Пандев веќе ги започна подготовките за летната авантура, а главната фаза до почетокот на европските мечеви ќе ја одработат во Словенија. Тимот веќе го напушти Филип Трајановски, младинскиот репрезентативец до 21 година, како и Стојанче Велинов.