Мирчевски со гол за победа го однесе ТСЦ на второто место во Србија (ВИДЕО)

01 октомври 2022 - 18:25

Македонскиот интернационалец Мартин Мирчевски повторно му донесе победа на својот ТСЦ од Бачка Топола, откако го даде голот за триумф со 2-1 против Радник Сурдулица за да го однесе својот тим на второто место на табелата со исто бодовно салдо како и првакот Црвена Звезда, која има три меча помалку.

Мирчевски после хет-трикот против Колубара пред три недели, денеска погоди во 53-та минута од мечот за да го комплетира пресвртот откако неговиот тим се најде во негатива, па за него ова е четврти гол сезонава во српската Суперлига во десетте меча на кои настапи.

Мирчевски веќе го надмина ефектот од лани кога запиша три гола и покажа дека е во одлична форма.

Голот може да го видите на 4:00 минути од хајлајтсот од мечот.