Косово за Македонија ќе биде посилно за уште една своја ѕвезда

Зенели е фудбалер на француски Ремс, кој во јуни годинава ги скина лигаментите на мечот со Црна Гора во Подгорица. Но, според последните информации неговата рехабилитација тече одлично, има огромен напредок и од почетокот на новата 2020 година ќе почне нормално да тренира, па ќе има доволни три месеци за да влезе во ритам и да се врати на терените во најдобро светло.

Зенели е вториот најдобар стрелец на Косовците зад ѕвездата од фенербахче, Ведад Муриќи, а лидер на тимот е бундеслигашката ѕвезда Милот Рашица од Вердер Бремен, кој е предводник на оваа селекција. Зенели инаку беше клучниот фудбалер за освојувањето на првото место во групата во Лигата на нации, а засега е единствениот репрезентативец на Косово кој има дадено хет-трик.

Од Косово веќе има најава за засилувања со неколку фудбалери од Швајцарија, кои се родум од оваа земја, а најмногу засега се притиска за голгетерот на Базел, Кемал Адеми, кој има девет гола на 12 меча во најсилната лига. Наводно, тој веќе добил косовско државјанство и веројатно се премислил за да игра за Косово, откако претходно неколкупати ја одбивал идејата да заигра за селекцијата.