Шарапова нема да настапи на Ролан Гарос

16 мај 2019 - 13:59

Марија Шарапова објави дека нема да учествува на турнирот во Ролан Гарос, па така ќе ја продолжи својата повеќемесечна пауза.

Русинката нема одигра ниту еден турнир уште од јануари, а во февруари имаше операција.

„Некогаш вистинските одлуки не се лесни. Но имам и убави вести, се вратив на теренот за тренинг“, вели Шарапова, која го освојуваше Ролан Гарос во 2012 и 2014 година.

Турнирот во Франција почнува на 26 мај и ќе трае до деветти јуни.