Победата над Вавринка го крена во облаци: Енди Мареј се враќа за дуелите од Дејвис купот!
Енди Мареј ќе му се придружи на неговиот брат Џејми, откако дуото им помогна на Британците за успехот во 2015 година. Првите ракети на сингл и двојки – Дан Еванс и Нил Скупоски – се исто така дел од составот на Лион Смит, а последниот петти играч ќе биде објавен во наредните недели. Вклучувањето на Енди Мареј доаѓа по неговиот извонреден успех над Станислас Вавринка во финалето на турнирот во Антверпен.
Играјќи го едвај својот седми турнир од враќањето по операцијата на колкот, Мареј се избори за големиот триумф, откако имаше сет негатива против Швајцарецот.
Апсолутно е фантастично што Енди се врати и ја освои титулата во Антверпен вчера, не го криеше ентузијазмот Смит.
Во меѓувреме, Еванс ќе се приклучи на составот откако ќе стане највисоко пласираниот тенисер на Велика Британија, пробивајќи се во првите 50.
Завршницата во шпанската престолнина Мадрид ќе се одржи од 18-24 ноември. Велика Британија е во групата Е со селекциите на Холандија и Казахстан, со кои се соочуваат на 20 и 21-ви.