Медведев без мака избори осминафинале на Австралијан опен

22 јануари 2022 - 12:00

Вториот носител на Австралијан опен, Данил Медведев се пласираше во осминафинале на турнирот во Мелбурн, откако славеше против Ботик Ван Де Зандшулп со 3-0 во сетови, односно 6-4, 6-4 и 6-2.

Русинот покажа од стартот на натпреварот дека неговата намера е јасна, а тоа е брз пласман во следното коло, па тргна со два брејка во првиот сет за водство од (1-0), по што продолжи да игра сигурно и без многу грешки славеше за еден час и 55 минути.

Во осминафиналето ќе се соочи против Максим Креси, кој го победи Крис О’Конел со 3-1 во сетови, односно 6-2, 6-7, 6-3 и 6-2. Тоа ќе биде незгоден противник за Русинот затоа што минатата година успеа да го елиминира Карено-Буста од Ју-Ес опен.