Мареј го одложува враќањето на теренот поради правилата на АТП

24 април 2018 - 10:20

Англичанецот Енди Мареј ќе се врати на теренот по Ролан Гарос, зашто правилата на АТП не му дозволуваа да го направи тоа и пред вториот гренслем-турнир во сезоната.

Поранешниот најдобар тенисер во светот, не играше од Вимблдон минатата година, а според првиот план, требаше да се врати на турнирите во Глазгов и Лафборо.

Сепак, правилата на АТП не дозволуваат да го направи тоа, а потоа да прескокне настап на Рола Гарос, па затоа Мареј ќе може да настапи на Хертоденбош на 11. јуни.

Мареј во јануари го оперираше колкот, а поради пропуштените турнири во моментов се наоѓа на 34. позиција на АТП-листата.