Лина Ѓорческа извојува уште една убедлива победа на турнирот во Белград

06 јули 2020 - 14:05

Најдобрата македонска тенисерка, Лина Ѓорческа, продолжува со одлични настапи на турнирот во Белград, Србија, откако денеска забележа уште една победа на Источноевропскиот турнир, и тоа против Доротеја Јоксовиќ.

Лина доминираше во текот на целиот натпревар, а за тоа најдобро говори што на противничката и препушти само четири гема, и тоа во вториот сет. Првиот го доби со феноменални 6-0, додека во вротиот имаше малку потешка задача (6-4), но на крајот дојде до победата.

На македонската тенисерка и беа потребни само 60 минути да дојде до победата на овој дуел.