Годинешниот „Роланд Гарос“ почна со огромно изненадување кај дамите!

Една од најголемите фаворитки за триумф на годинешното издание на „Ролан Гарос“, Онс Жабер од Тунис, се соочи со шокантна елиминација од вториот гренслем-турнир во 2022 година, откако загуби уште во првото коло во пресметката со Магда Линет.

Победничката на неодамнешниот мастерс во Мадрид, финалистката од Рим и шеста тенисерка на светот добро го почна натпреварот и релативно лесно го доби првиот сет (6-3), но потоа изненадувачки ги загуби следните два (7-6, 7-5) со што го заврши престојот во Париз.

Во второто коло се пласираа и Сорана Кирстеа, која славеше со 2-0 во сетови против Марија од Германија како и Хадад Маиа, Осорио и Стивенс, кои победија во три сета.

Во машка конкуренција, Борна Чориќ во четири сета беше подобар од Табернер, Григор Димитров славеше со 3-0 против Гирон, додека мало изненадување претставува елиминацијата на повратникот Доминик Тием, кој во три сета загуби од Делиен.