Ѓорческа застана во четвртфинале во Шпанија поради повреда!

21 јануари 2022 - 13:10

Најдобрата македонска тенисерка Лина Ѓорческа стигна до четвртфиналето на турнирот кој се играше во Манакор, Шпанија, откако мораше да го предаде натпреварот против Јуки Наито при резултат 6-4 за Јапонката.

Ѓорческа играше одлично против четвртата носителка на турнирот, но поради повреда го загуби првиот сет со 4-6, по што не можеше да го продолжи натпреварот и се предаде.

Македонската тенисерка имаше одличен старт на турнирот во Шпанија, каде што ги „исчисти“ Анастасија Детјук и Фернанда Контрерас со по 2-0 во сетови во првите две кола.