Ѓоковиќ во два сета го реши Давидович Фокина

Најдобриот тенисер во светот Новак Ѓоковиќ без многу мака го совлада Алехандро Давидович Фокина со 2-0 во сетови, односно 6-3 и 6-1 и избори пласман во четвртфинале на Олимписките игри.

Србинот го доби првиот сет со 6-3, откако во четвртиот гем направи брејк (3-1), кој го задржа до крајот и не му дозволи на противникот да се врати во игра.

Во вториот сет Ѓоковиќ направи три брејка и со 6-1 го нокаутира неговиот ривал, па во четвртфиналето на турнирот ќе игра против Кеи Нишикори.