Ѓоковиќ го урна Томиќ на стартот на Мастерсот во Мајами

23 март 2019 - 09:41

Најдобриот тенисер во светот Новак Ѓоковиќ со победа против Бернард Томиќ го почна Мастерсот во Мајами. Србинот успеа да го победи 81. тенисер во светот со 7-6 и 6-2 за 76 минути.

Ѓоковиќ имаше проблеми против австралискиот тенисер само во првиот сет, додека не го пронајде совршениот ритам. Томиќ имаше брејк предност во петтиот гем (3-2), но потоа Ѓоковиќ се врати во игра, па сетот беше решен во тај-брејк, каде што Србинот славеше со 7-2.

Во вториот сет, Ѓоковиќ  тргна моќно, па веднаш на стартот направи брејк за водство од 2-0, а потоа го одржуваше водството и славеше со 6-2.

Србинот во наредното коло ќе игра против Федерико Делбонис.