Газење е мал збор: Синер го уништи Зверев, првото место му се насмевнува

01 ноември 2025 - 19:18

Јаник Синер е на само мал чекор од враќање на првото место на АТП листата откако денеска буквално го уништи Александер Зверев во дуелот кој требаше да биде „финале пред финалето“ на Мастерсот во Париз.

Италијанецот за само 62 минути славеше со 2-0 и притоа загуби само еден гем (6-0, 6-1) а четврти триумф во низа во меѓусебните дуели. Апсолутно немаше никакви дилеми околу победникот бидејќи Синер направи две серии од по шест гема, првата во првиот сет, а втората откако Зверев поведе со 1-0 во вториот сет.

Во финалето Синер ќе се сретне со Феликс Оже-Алијасим од Канада и ако триумфира ќе се искачи на првото место, со 250 бода повеќе од Карлос Алкараз.