Федерер со урнебесна изјава за Ѓоковиќ го насмеа цел свет (ВИДЕО)

20 септември 2018 - 12:31

Тенискиот спектакл во Лејвер купот ќе се одржи од 21. до 23. септември во Чикаго, а во центар на внимание се наоѓаат Роџер Федерер и Новак Ѓоковиќ, кои ќе бидат во ист тим.

За тимот на Европа ќе настапуваат Федерер, Ѓоковиќ, Александер Зверев, Григор Димитров, Давид Гофан, Кајл Едмунд.

А, во тимот на Светот ќе настапат Џон Иснер, Кевин Андерсон, Диего Шварцман, Џек Сок, Ник Кирјос и Николас Џери.

Очекувано, најголемо внимание привлекоа Федерер и Ѓоковиќ, а Швајцарецот ги насмеа присутните со една урнебесна изјава.

„Кога не може да го победите Ѓоковиќ, вие му се приклучувате во ист тим. Многу сум возбуден...“, кажа Федерер и ги насмеа навивачите.