Федерер со пораз од Тим го почна завршниот турнир во Лондон

10 ноември 2019 - 22:56

Легендарниот швајцарски тенисер Роџер Федерер беше изненаден на самиот старт на завршниот турнир во Лондон, откако загуби од Доминик Тим со 0-2 во сетови, односно 5-7 и 5-7.

Федерер тргна многу лошо во мечот, откако Тим направи брејк уште во првиот гем. Сепак, Швајцарецот во четвртиот гем се врати во игра (2-2), па беше сигурен на свој сервис до 11. гем, кога повторно Тим направи брејк и стигна до 7-5.

Во вториот сет повторно решавачки беше тој 11. гем во кој Тим направи нов брејк на мечот и успеа потоа на свој сервис да слави со 7-5.