Чилиќ го шокираше петтиот носител Рубљов на Мелбурн

22 јануари 2022 - 14:19

Хрватскиот тенисер Марин Чилиќ направи пријатно изненадување во третото коло на Австралијан опен, откако го совлада петтиот носител на турнирот, Андреј Рубљов со 3-1 во сетови, односно 7-5, 7-6, 3-6 и 6-3.

Финалистот во Мелбурн од 2018 година во добар дел од натпреварот потсети на своите најдобри денови, а посебно беше одличен на вториот сет на Рубљов и со голема борба ги освои првите два сета со 7-5 и 7-6.

Хрватот го загуби третиот сет со 3-6, по што се врати надежта кај Рубљов за пресврт, но Чилиќ не му дозволи да го реализира неговиот план и успеа со 6-3 да го добие последниот сет.

За пласман во четвртфинале, Чилиќ ќе се бори против Феликс Оже-Алијасим, кој загуби само шест гемови од Еванс во претходниот натпревар.