Историја: Македонски пара-скијачи првпат освоија бодови на ФИС трка!

11 декември 2024 - 13:43

Македонските пара алпски скијачи испишаа историја со својот прв настап на две ФИС трки во австрискиот скијачки центар Зурс, каде што истовремено дојдоа и до бодови.

Зоран Јовановски го освои седмото место на двете трки и заработувајќи ФИС бодови. Неговиот тимски колега, Вангел Тркаљанов, за жал, не успеа да ја заврши трката.

Тимот, кој беше поддржан од тренерите Јане Стефанов и Петар Илев, продолжува со подготовките за наредните трки според ФИС календарот, како и за учество на специјализираните кампови за пара скијање.