Злато и нов државен рекорд за Миа Крстевска на 200 метри грбно
Таа до златниот медал исплива со време од 2:21,32 минути и притоа исполни норма за настап на Европското младинско првенство и Младинската олимпијада оваа година.
Македонија имаше уште еден златен пливач во Белград, а тоа е Иван Симоновски, кој беше прв во дисциплината 100 метри пеперутка со време од 57,68 секунди.
Поради одличните настапи, Македонија за прв пат по 21 година ќе има тројца пливачи на младинската Балканијада, што ќе се одржи во Сараево. Покрај Миа Крстевска и Иван Симоновски ќе настапи и Ана Јаневска.