Златните олимпијки од Индонезија ќе добијат за награда многу пари, куќа и по – пет крави!
Двете олимпијки ќе имаат кралски дочек во Џакарта, зашто Индонезијците се луди по бадминтонот, а Поли и Рахају сега имаат статус на божества после триумфот против кинескиот пар Чен Кинг Чен-Џиа Ји Фан со 21-19, 21-15 во финалето.
Поради големиот успех, државните власти решиле да го наградат двете олимпијки со по 250.000 фунти, како мотив и за жителите на Индонезија што повеќе да тренираат бадминтон, откако поради коронавирусот сѐ помал е интересот кај младите да тренираат во овој спорт.
Плус регионалните власти од каде што доажаат Поли и Рахају ветиле дека ќе им дадат по пет крави, а неколку ресторани им ветиле бесплатни јадења кај нив, во знак на благодарност за големиот успех.
Во Џакарта, пак, една градежна компанија им ветила стан или куќа во престолнината, а едно познато кафуле, пак, ќе им дава бесплатно кафе до крајот на животот.
Инаку првиот човек на Индонезија, Јоко Видодо на сограѓаните им посочил дека успехот на златните олимпијки е награда за денот на државноста на 17 август.