Токио планира 18 пробни спортски настани како тест пред ЛОИ догодина во јули
Игрите за планирани да стартуваат на 23 јули догодина и да траат до 8 август, а организаторите, како и првиот човек на Интернационалниот Олимписки Комитет (ИОК), Томас Бах, објавија дека без одлег на сѐ, дали ќе продолжи кризата, дали ќе има или нема вакцина, Олимписки игри – секако дека ќе има.
Организаторите сега најавија дека до стартот на Игрите, Токио ќе организира 18 пробни спортски настани, како тестови за спремноста и подготвеноста на градот и на цела Јапонија да организира така комплексен настан во ек на најголема криза. Од тие 18 планирани пробни настани, четири ќе бидат меѓународни, што значи ќе дојдат и странски спортисти, додека останатите ќе бидат проба само со домашни спортисти.
Тоа што е сигурно е дека нема да има странски навивачи, а дека одреден број на домашни навивачи ќе добијат дозвола да присуствуваат, за да се тестира и подготвеноста на капацитетите од организацијата за настаните на ЛОИ кои ако не се реши здравствената криза, ќе се одржуваат со ограничен број на посетители или некои и без нив.
Во Јапонија веќе одредени спортски активности, како фудбалски мечеви, веќе се одржуваат со публика и тоа со половина капацитет, па така во Фукуока имаше 19 илјади присутни на стадионот со капацитет од 39.000.
Инаку Токио пријави 570 заразени од ковид-19 што е најмногу во периодот на криза, бројка која за мегалополис со милиони жители е мала бројка, еднаква на низа денови во Скопје по број на позитивни случаи.