Ставре Јада убедливо последен на спринтот во Пјонгчанг!

13 февруари 2018 - 10:59

Првиот настап на Македонија на Зимските Олимписки игри во Пјонгчанг помина неславно. Ставре Јада го осови 79. место од 80 натпреварувачи, но еден беше дисквалификуван, што значи Македонецот е последен.

Македонскиот нордиец беше убедливо последен на спринтот во класичен стил. Оствари време 4:23.85, што беше значеше заостанување од речиси 18 секунди зад натпреварувачот пред него. Зад победникот во овие квалификации, Јада задоцни една минута и 15 секунди.

Уште пред тргнувањето во Пјонгчанг се најавуваше дека спринтот во класичен стил не е негова најсилна страна и дека подобриот резултат треба да го бараме на трката на 15 километри слободно, која ќе се вози в петок.

Ова беше квалификациска трка, од која првите 30 продолжуваат во четвртфиналето, а македонскиот натпреварувач заостануваше повеќе од една минута и пет секунди зад таа 30. позиција.