Објавени номинациите за Спортист на годината

11 декември 2024 - 18:40

Објавени се кандидатите за спортист и спортистка на годината за 2024, а битка за престижното признание ќе водат пет имиња во машка и женска конкуренција.

Помеѓу мажите номинирани се шахистот Тони Лазов, кикбоксерот, Бобан Илиоски, атлетичарот Дарио Ивановски, кајакарот Ангел Петрушев и голманот Столе Димитриевски.

За признанието во женска конкуренција ќе се борат: Таеквондистката Милјана Рељиќ, каратистката Михаела Мишовска, ракометарката Сара Ристовска, кикбоксерката Леа Бошевска и фудбалерката Наташа Андонова.

Покрај двете главни признанија ќе се доделуваат награди и уште за: Млад спортист и спортистка на годината, најуспешен женски и машки национален тим, најуспешен спортист на лице со инвалидитет, најуспешен тренер/селектор и најуспешна спортска федерација.