Хрватска дојде и до осмиот медал во Токио – сребро во гимнастика!
Србиќ одработи одлично и освои 14.900 поени, но недоволно за злато пред домашниот гимнастичар Даики Хашимото, кој имаше 15.066 поени, додека Русинот Никита Нагорњи со 14.533 поени беше трет.
Ова е прв медал во гимнастика за Хрватска од Олимписки игри после 13 години, а Србиќ кој има светско злато и сребро, сега ја дочека шансата да придодаде и олимписки медал, а на Хрватска да ѝ го обезбеди осмиот досега, трет сребрен покрај трите злата и двете бронзи.
Србиќ е светски првак во гимнастика од 2017 во Монтреал, а сребрен од Штутгарт пред две години, плус има и две европски сребра во последните две првенства во 2019 и 2020 година.
Хашимото, пак, стигна до третото злато, покрај тимското во повеќебој и во поединечна конкуренција исто така во повеќебој.