Домаќинките беа немоќни, Шведска освои злато во карлинг!

25 февруари 2018 - 09:33

Женската карлинг репрезентација на Шведска освои златен медал на Зимските олимписки игри во Пјонгчанг, откако во финалето беа подобри од Јужна Кореја со 8-3.

Корејките имаа подобар старт и по првата рунда имаа минимална предност, но потоа следуваше доминација на Швеѓанките, кои врзаа четири поени по ред и стигнаа до предност до 4-1.

Во наредното фрлање домашните натпреварувачки намалија на 4-2 и внесоа мала неизвеност во мечот, но потоа следуваше повторно брилијантна игра на Шведска и заслужена победа во финалето.