Премиерот Заев со специјална честитка за историскиот успех на одбојкарите на Македонија!
Првиот човек на Владата им ја честита големата победа над Унгарија, а со тоа и шансата да се натпреваруваат со најдобрите на Стариот континент.
„Сите се гордееме и аплаудираме на овој резултат и пласман. Имаме обврска да го поддржуваме и развиваме репрезентативниот спорт. Браво за нашите одбојкари!“, напиша меѓу другото Заев.
Македонија ќе настапи на континенталниот собир, кој ќе се одржи од 13 до 29 септември и тоа за првпат во четири различни земји – Белгија, Франција, Холандија и Словенија. „Спартанците“ очекувано се во последниот барабан за ждрепката, а засега е познато дека не може да играме во иста група со Украина со која биевме битка во квалификациите.